هذه قصيدة مدح للشعانبة لبطال :

يا متليــلي أعليك ذا القول نظّمناه



يا متليلي جبتي ارجــــــــــــال قوية تاريخك معروف واحد ما ينســــاه
يا وطن الجهـــــــــــــاد و البطولية الولد الـــــــي يكبر إينسّي في باباه
يا الشعانبة لحـــــــــرار عزّ النيفية الشكر إيواتيكم إلا انتم الغير أعلاه
تتفخّر بيكم الصحــــراء الجزايرية قولا و فعل و التاريــــــــخ أقريناه
ضحيتو باولادكم عــــــــــــالحرية أميا و ثلاثين شهيـــــــــد أحصيناه
خرّجتو لستعمـــــــار جبتو الحرية الجيش الفرنسي خرج يبكي مقواه
كسرتو صالة أوليــــــــــد الرومية لقنتــــــولو درس ما عادش ينساه
تتفخر بيكم شعــــــــــــوب أفريقيا حــــــــــررتوها أنتم في سبيل الله
بعد ما كانت عبيــــد تدفع في الدية يعمل لستعمــــــار فيها واش بغاه
أبفضل الله الجزائــــر دات الحرية إلي عندو حق ضـــــــايع ليه أدّاه
يا لبطـــــال أولاد هذي الناحيـــــة يا متليــلي أعليك ذا القول نظّمناه
بن جديــــــــــــة ليك يهدي التحية أسبقتيــــــنا للخير و احنا رجهناه
فيك الصالحين فيك الأوليـــــــــــّة أولاد اعمر بن موسى ينفعنا برضاه
سامحوني يالمرابطين أرضاو أعليّ أبنادم أضعيف الكمـــــــــــالو لله