يا اخي حتى وحدة ما تحب زوجها يروح لوحدة اخرى ... او يجيب لها ضرة.. سواءا كانت عاملة او ماكثة في البيت .. « مع ان هذا حق شرعي» و ديري في بالك يا اختي الكريمة ان الرجل اذا حط في باله يتزوج ماشي 10 اولاد راح يحكموه ... انا رايي باش ما نوصلوش للا حل نتناقش انا و ياه و نشوفو حل.. انا مانحبش كي يخدعني - الخديعة تكون من ورا ظهري- اي يتزوج و انا و لا على بالي... اما عن عمل المراة و خاصة المتزوجة فانا شخصيا ضد هذه الفكرة و يا ويل الرجل اللي حاب يتزوجني يشرط عليا نكون نخدم؟؟؟ ههههههه انا نشوف المراة في بيتها لاولادها و زوجها...

السلام عليكم
انا معك اخت نعوم
انا اكره الرجل لي يشرط على مرتو تخدم وين راهي الرجولة
وزيد ياك الرجال قوامون على النساء يعني الراجل لي يصرف
قال الرمة تخدم باه تعاون راجلها اسمعوا على هادي السمعة والله غير عشنا وسمعنا
وزيد العنوسة ماهيش غير كي المهور غلات هي صح غلات مي كاين شي رجالة يحب كي يكون رايح يزوج يوجد ويوجد ويحسبلها الف حساب
وكاين بالمقابل نساء راضيات باه واش عندو
ونساو باللي الرزق على ربي سبحانو
وزيد والله راني نسمع ونشوف بزاف نسا راهم يحبو يزوجو وعندنا في العاصمة والله راهم يزوجو المهم يكون راجل مليح ووليد فاميليا
توفرت فيه الشروط: الدين والاخلاق
ربي يهدي برك

« مع ان هذا حق شرعي» أنا واحد ما نديرهاش و لكن الحد فيما نص به القرءان الكريم مشكورين كلكم على إثراء الموضوع .

بارك الله فيك أخي على هذا الموضوع ....
إن الحلَّ والعلاج لظاهرة العزوبة والعنوسة في المجتمع يكمن في تقوية البناء العقدي في الأمة، والتربية الإيمانية للأجيال من الفتيان والفتيات، ونشر القيم الأخلاقية في المجتمع -لا سيما في البيت والأسرة- ومعالجة الأزمات والعواصف والزوابع التي تُهدد كيان المجتمع، وتيسير أمور الزواج، وتخفيف المهور، وتزويج الأكفاء، وترسيخ المعايير الشرعية لاختيار الزوجين، ومجانبة الأعراف والعادات والتقاليد الموروثة والدخيلة.

وتحقيق التعاون بين أبناء المجتمع، وكذا قيام وسائل الإعلام بواجبها التربوي والتوجيهي، فينبغي العناية بجمعيات إعانة الشباب على الزواج، والدلالة عليه، ومنحها فرصاً كبرى في أداء مهمتها العظمى، وكذا دعم ذوي اليسار لها، وأن يكون الوجهاء قدوة لغيرهم في هذا المجال، وكذا الاهتمام بالقضايا الاجتماعية عبر مؤسسات خيرية كبرى، وهيئات خيرية عليا.

مع ضرورة أن تعيد المجتمعات النظر في قضية تعدد الزوجات، على حسب الضوابط الشرعية، ومراعاة الحكمة التشريعية، فمن للعوانس والأرامل والمطلقات وذوات الأعذار والاحتياجات الخاصة؟ إنه تعدد المودة والرحمة والإحسان والعدل لا الظلم والتسلط والحيف والجور، لا سيما للزوجة الأولى، وكم يسمع من الشكاوى في ذلك، وقد قال صلى الله عليه وسلم: {من كان له زوجتان فمال إلى إحداهما دون الأخرى جاء يوم القيامة وشقه مائلٌ } أي: ساقط. رواه أحمد وأصحاب السنن .

بارك الله فيكي اخت فضيلة
ماشاء الله
صحيح تعدد الزوجات امر شرعي لا مفر منه
لكني لااستطيع ان يكون لزوجي اخرى غيري
اكيد جيل هذا الوقت لن يعدل وان حاول
العدل هنا ليس المادي لكان جات في المادي راهم كل الرجال تزوجوا عادي الرزق على ربي
انما العدل المعنوي
ربي يفرج على المسلمين والمسلمات ويسهل لهم لما فيه الخير
امين ياربي

هناك اشكال آخر بهذا الخصوص في تفشي البطالة وعزوف الشباب عن الزواج

ويكمن السبب في توظيف النساء بدل الرجال

وهذه وضعبة ملموسة وعلينا فقط التوجه الى الادارات المؤسسات العمومية والخاصة

لنرى ان الغالبية العظمى من العاملين بها نسوة

ومن هذا المنتطلق كيف يستطيع الشاب الزواج؟؟ مادام منصبه قد وظفت فيه مرأة

""لست ضد توظيف النساء لكن على الاقل رجلين وامرأة""

تحياتي لكم.

نعم اخي
ليس ان المراة اخذت منصب الرجل
المراة ماتتقلش كي تلقى خدمة
وزيد اكبر نسبة للمتعلمين والجامعيين وحتى اصحاب الديبلومات الحرة
هن النساء
ولاراني غالطة؟؟؟؟؟؟؟؟؟؟؟؟

شكرا للجميع على اثراء الموضوع الاسرى
نحن ننتظر التفاعل مع الموضوع اكثر مع
اعطاء للنقاش نوع من الجدية