عدد الرسائل : 73 العمر : 72 المدينة التي تقطن بها : بلدية العالية ولاية ورقلة الوظيفة : متقاعد من مهنة التعليم السٌّمعَة : 1 تاريخ التسجيل : 11/05/2015
السلام عليكم ورحمة الله تعالى وبركاته....سادتي الأفاضل إليكم الرد الجميل للشاعر الأصيل بشير قيطون من طرف الوالدة السيدة أم الخير مشري في قصيدة نبطية من إنشائها ردا على القصيدة التي أنشأها الأستاذ بشير قييطون في مدح أعلام أولاد السايح جزاه الله خيرا ومطلعها تقول فيه الشاعرة : جاني خبير من عند الشاعر اسماه البشير على الشرفاء جاب أبيات شمس الدنيا في الجو تعلات صلو على سيد المخلوقات سيد الحي وسيد إللي مات مصباح الجنة بالذات صلو عليه في كل الأوقات إنسان ليه الكلمة شاعر عندو قيمة ميزانو معدل إعبر على الأفراح وإعبر على الأحزان موهبة من عند الله بها مقدر شكري لفلان جاب البيان جاب إللي كان غادي قال أنا مداح الشرفاء اسيادي رايس الأقطاب مولى سبع اقباب السايح ذكار بلادي شيخ القبة عندو هيبة البندير ومعاه القصبة خدامو قايمين بحضرة اصحاب النية المعلول فيهم باذن الله يبرا كران وطواكس قدام القبة تحبس بالعهد يوفو اصحاب النية مرضى باذن الله يتعافاو مداح الشرفاء قلبو صافي كيل من عطاه وكيلو وافي يعطيه حج مسقم يغفرلو كل السيات يا راسي كانك تفهم عليه جيب أبيات مداح الشرفاء الله يجازيه يسهلو واش يدار ويزور المختار محمد يشفع فيه لان مشيت توصل ما حبيت حبك لأهل البيت الله عنك يرضى يغفرلك كان عصيت يسهلك ما تتمنى ولد الصحرا شاعر نال الفخرة شاعر يقرأ والشعر مواتيه ولد الصحراء الله يبارك فيه ولد سعيد وخونا وما هوشي بعيد كلامو مفيد جاب البيان والتاريخ يبقى عد الشبان إنسان متأدب ديرولو مكتب وزيدوه في الراتب ماهوشي شوية ولد الصحراء امو بدوبة وليد الواحات وعليها جاب ابيات هيولو وين إبات وفراش معاه اغطاوات واخيار البناة لابسة بدوية تساعدو والدير النية أميمة الأولاد روح الفؤاد بالاك تنساها بنت بلادك زيد في معناها انتيجة عمرك شبابك عاش معاها ليك التقدير وتتمنالك الخير وكلامك هو الكبير وما تنساش أيام العشرة راك أنت واياها إنسان مسلم وطبيب ما هوشي يتعلم ويداوي من جاه يتألم دار إختصاص يداوي جرح الكبدة وصداع الراس ما دام ربي عاطيك وهبة فيها واش تقول الداوي من جاك معلول أعطيلو وصفة يرتاح من غير الطبة روح عند فلان يداويك مجان لا سقارة لا ميزان موهبة من عند الرحمان وقلب الممحون الشعر دواه ظني فيه الخير فضلو عنا كثير ياسر ما هوشي شوية الدنيا بنا تسير والخلق تموت ما تبقاش حية الله مقسم الأقسام ومعبر الأعمار لان حدت الارواح تصبح مخفية بالاك تسول عني خليها بيناتنا مخفية قلبي مجروح وتمنيتك طبيب تعرف ما بي الدنيا ما الدومش محال موت الرجال كواتني كيات قوية موت الرجال نعت الزلزال تحطم جدران بالحديد مبنية موت الشبان تريب قصور في الخامس حيوطها مسوية وموت العلماء تمثل جهنم الجامع مخلي لا من فيه يفتي الكتب في الخزاين مدسوسة تاكلها السوسة والكاغط يولي هبرة واللوح مغطي بالغبرا هذا إنسان منا وعليه ما انديروش السنة لان حب ازور يتفضل مشكور تاي وفطور وإكرام الضيف واجب عنا . من كلمات السيدة أم الخير مشري ومن تدوين تيجاني سلييمان موهوبي mouhoubi51 blospot.com
الجمعة سبتمبر 25, 2020 10:29 pm من طرف نورالوئام
موضوع: الرد الجميل للشاعر الأصيل بشير قيطون 
