مرحبا بيكم في حصتكم المعروفة راديو الفهامة ونقولولكم صح رمضانكم


كيما تعرفو حصة الفهامة كل مرة تحكي على ميضوع من الميضوعات و الميضوع نتاع السهرة هادا هو













ياااااااا يا ويلي عليك يا البورتابل واش راك داير في لا زوناش راك تزغد كي البوكشاش


آواه يا البورتابل قصتك طويلة .... وحصتنا ما تكفيش الريزو راه يروح ويجي


بكري كان الحمام الزنجي هو البورتابل ... الي يحب يوصل ميساج لكاش واحد


يبعثهالو مع الحمامة لاكان كاشما حكمها واحد راحت البرية وشاعو خبارنا


واليوم طورت الحية راك تشوف ولات بالصاتيليت و وحد السيستامات نتاع التكلوجيا هدي ولا وش يسموها


الدعوة ولات بورتابلات ... حية صغيرة وفيها لعجب . يركبو فيها واحد الكاغط هكا يقولولو لابيست


نتاع موبليس و نجمة و معارف وشيه راهم يصصورو كل يوم إسم جديد


راني سمعت بهديك وش يقولولها الزيجي راها طالقة الهراف باطل


قالك ماعليك غير تروح للطاكسيفونات و تعمر 10 آلاف و أهدر على روحك


كونك هدار برك وماتسكتش


كي خرج البورتابل المرة الأولى آآآآآآآآآآآآآآآي كان قليل الي يكسبو كانت لابيست وحدها دير زوج ملاين


واليوم راك تشوف عادو يلبسو سراول كومبا باه يكثرو البورتابلات كل جيب فيه بورتابل


ولابيست بخست كيما البنان ولات ماتسوى والو كل دقيقة بدل نيميروك نورمال


اللي يقلقك روح أشري نيميرو جديد و برد فيه قلبك يندم على النهار الي عيطلك فيه


وزادو دارولهم الميلينيوم معناتها ماتسكتش ألف يوم


يااااااااااااااااااااااااما على لا زوناش واش دارت فيهم الميلينيوم


قالك كي تشري لا بيست نتاع الميلنيوم


آآآآآآآآآآآآآآآآ عيط برك فورمي النيميرو الي يجي في بالك و لا عيط لصحابك يقزنولك على النوامر


يا حوجي على البورتابل وما دار فيهم ولاو يشريو بورتابل وربيوه كي البيبي


يصرفو عليه و يتهلاو فيه مليح يطيح هو و ما يخليش بورتابلو يطيح


و الدار الي فيها خمس عباد تلقى فيها 25 بورتابل وقفة مليانة ب لي بيست


اللي يذرح باه يشرب يروح يعيط ليماه في البورتابل و يقوللها روحي للكوزينة جيبيلي نشرب


ياو ربي يستر برك الدعوة راها رايحة تتطور و ماعارف وش يزيدو يجيبولنا ثاني


ربي يبقي الستر




أنفس آ بن سعيد على برهم


آه يا البورتابل واش بيك جبتلنا اليوم هم جديد فسدت ليجان في هذ الجيل


غير روح بعيد الله يهديك


البورتابل صغير يوزن كالكو غرام إي بورتون على جالو صراو دي كريم صراو دي درام


عليك وعلى الدراهم لازم تكح لازم تزيد .........















هو : باللون الأزرق


هي : باللون الأحمر


يا مرا


واش بيك تعيط واش خصك


نشريلك بورتابل


هههههههههه راح تبيع روحك وتشريه


علاه نورمال الناس كامل عندها بورتابل ... ولد جارنا ملي زاد جابولو بورتابل


آواه نت عندك ياسر ما خرجتش و كي خرجت اليوم جاي تهبل فيا


ياو اليوم نشوف في الناس كامل يمشيو و حاكمين وذنيهم قلت سي سير جات إنفلونزا الوذنين


ومن بعد خزرت فيهم مليح لقيتهم يتمتمو قلت آآآآآي بلاك هذو مساكن كي حالتي صعابت عليهم الدنيا و بداو يلاشيو


هههههههههههههه علاه واش بيهم حاكمين وذنيهم


والله أنا ثاني حرت قلت زعمة يكون هذا الرود سبيسيالمون للمساكن هذو ... فرحت قلت الدولة راح تتهلى فينا


أيا أسكت برك روح قيلني و بركة ما تخرف عليا


أستناي نكملك .... قتلك بصح حرت أنا ... الناس هذو لابسين مليح ... ياو شيني هذا اللبسة ماماي و العقلية راكاي


أيا شفت واحد نورمال يمشي عادي كنت راح نقولو واش جابك للرود نتاعنا و من بعد قلت والله نصقصيه على الناس هذي وش قصتها


علابالك وش قالي ... قالي يخي حابس يخي باين من زدت ماخرجتش من داركم


ههههههههههههههههه عندو الحق


أيا من بعد قالي الناس هذوما راهم يحكيو في التلفون يا الكافي


ههههههههههههههه يحكيو في التلفون ... وعلاه الرود هذا يجيه غير اللي يحكي في التلفون


ياي أسكتي يا الكافية ... تعينت المدينة كامل هكا ماكان حتى واحد يمشي مع صاحبو الناس كامل هازين البورتابل


و يهدرو كي المهابل ... أنا وليت نشوف في روحي صحيح


بصح يخي البورتابل غالي والناس هذي منين تجيب في الدراهم


ياااااااااااااااو بخس ولا ما يسوى والو ... تعيينا غير حنا اللي ما عدناش بورتابل


شحال راه يدير


قالك البورتابل ولاو يديرو فيه صوارة وكاميرا و معارف وشيه تقدري حتى تشوفي العبد اللي راكي تحكي معاه


و مام هو يشوفك ثاني باش ما تكذبيش عليه و تقوليلو راني في دبي ولا مومباي


يااااااااااااااااا هذا كامل في المورصو الصغير هذاك


هيه والله ... أنا صخفت وقلت نشري زوج ... واحد ليا وواحد ليك


وعلاه وش نديرو بيه يخي نظل نشوف في رهطك ... نحكيو فاصافاص و خلاص


لالا حاب نحكي معاك في التلفون


وعلاه تحكي معايا في التلفون يخي راني قدامك


نشري لعمري بورتابل ونهنيك من الطاكسيفون


هههههههههههههه نت وقيلا مرضت


نشري زوج واحد ليا و واحد ليك ... نتي هنا و أنا نبعد عليك شوي ونحكيو في البورتابل نعيشو كيما الناس آ سيدي


كون جيت حاب تعيش كيما الناس راك رحت تخدم مش تظل مقابلني هنا و تقلي المكتوب


أنا ما نخدمش كيما الناس أنا نخدم غير في البيرو


هيه علابالي نت عندك الدوكتوراء و الدولة مفرطة فيك


شوفي ترا هذو يدين نتاع خدمة ... أنا يديا نتاع ستيلو أرطب و ميكرو برك


أيا نوض أخطيني خليني ترا ... روح كاشما تجيبلنا ناكو


يخي كلينا البارح وعلاه ناكلو اليوم .... و الفساد هذا علاه


أيا نوض ما تهبلنيش






















جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما رد ضي النجوم



طليت على مواج البحر ما عندي زهر حبيبتي في الغربة وكي ندير نصبر




ما ناكلش القارص لو يشهيني و ما نخذش الشيخ لو كان يغنيني ناخذ شاب صغير يواتيني



يا عمي حما واش بيه باع أرضو بطل آآآآآ الزين عمالو عينيه راه صاري فيه الباطل آآآآ





يا لي جايا من العين و بيدك مليتي السلة سبحان من أعطاك الزين و زاد في ذيك الحلة



شابة وصغيرة عينيها زجاج كي تفوت عليا يحكمني لاراج نهدر معاها ولا ندير التاباج ولا كي غادي ندير أنا

شجرة على طرف البير و أعراقها دلايا يما شفت الطير وجهوا كي المرايا عليه لعقاد وعليه نطوي الثنايا


فيها إن ماراهش يبان وما وليتش نشوفه كي العادة يبالي قلبه ماراهش يبان وجبد ضربة وحدة


عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب أصبر يا قلبي ياك كلشي مكتوب


حاطك آلا أوتير مكلاسيك من لكبار في نيفو عاااالي قدرك عندي آبار قيمة تسوى مليار و عليك نمووووت آه يا دلالي



النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا

بلقاسم يا المعلمآ أنت الي بيك نكالما خمسة و خموس عليك و زهري معاك مسقما تعجبني كي تزدما تجيب حقك بيديك




علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة ويعيا و الخير يبان و تزول عليك الهموم و تروح الحيرة


وآ سنقى لاسقا زعمة زعمة و اسنقى حنوفة زعمة زعمة ميكبات ترنوتة زعمة زعمة و انا روحي تامرتة زعمة زعمة



في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف


أبق أبق أبقا وجهك كي الخبزة في الطبقا قاتلي منك لا نطلقا ونتي و نتي .... و نتي ونتي ونتي

ذاك الحمام اللي محبوس في السجنة يعيا و يفرج ربي و نرجعوا خير من اللي كنا


يا حبيبي أولي كيف كيف بينساني هواك عمري صار صيف و خريف ما بعيش لحظة بالاك

غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخزر في العين و القلب شاعلة فيه النار


إبن الجيران الي هنا أوصادي مش عارفة بس أعملو أناإيه عمال بصفر كده و ينادي و فأي حتة يا ناس ألاقيه

التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة



زوالي و فحل نموت و ما نحملش الذل آ صقصي و سأل غرب و صحرا وزيد التل آ

يا لساكنة في الخيمة و الريح جاني قبلي ردي أوراقك ديمة لا يولي الريح غربي



با طير البرني يا عالي و معلي في سماك ومعلي في سماك و إذا لقيت الزين الغالي قولو قلبيبغاك يا برني





1-آلك حا السيد سكران شرى بورتابل آلك راح مدو لخوه قالو أكتبلي ميساج خطي مش مليح
2- آلك حا السيد سكران جيست ديمارا بالطوموبيل صونالو البورتابل آلك هز وقالو كون زدت شوي ماتلقانيش
3- آلك حالسكران يمشي هو وختو آلك شافت باباها قالت ياااااا بابا قالها قوليلو راني خوك
4- آلك حالسكران قالولو كيفاش تصيد الرينوب آلك قالهم ندرق بحذا الشجرة ونقلد صوت الزرودية
5- آلك حا الزوج سكارى يمشيو مسامي شاطو ماء أيا طاح واحد في الشاطو آلك راح الثاني يستنى فيه عند الروبيني
6- آلك حالسيد سكران لقى فاتورة نتاع التريسيتي آلك راح سلكها
7- آلك حالسكران طبطب على الجيران قالهم عندكم طماطم ألك قالولو إيه قالهم حتى حنا
8- آلك حالسكران صقصى صاحبو قالو صح رابح سعدان خو شكيب خليل آلك قالو لالا الأسامي برك يتشابهو
9- ألك حالسكران دار بدون ماء في الفريجيدار ما حبش يدخل آلك راح نقص منو شوي ماء و رجع يدخل فيه
10- آلك واحد سكران يمشي و يقول أحسن خمس حوايج في الدنيا تلاثة الشاي و القهوة





و أون فان خلصت علابالي السوجي طويل قد هك
هدا الركن لخر نتاع سبر الأراء نخليوهولكم نتم تعطيونا رايكم في الظاهرة هدي
رانا نتلاقاو في الحصة الجاية في السمانة الجاية و كاشما نزيدو نمنشرو