[center]بسم الله الرحمان الرحيم
السلام عليكم ورحمة الله وبركاته
لا دراسة لا اختبار حتى يرد الاعتبار
لا وثوق الا بالوثيقة
شعارات رددها طلبة وطالبات الجامعات عند قراءتنا أو سماعنا لأول مرة لهذه الشعارات نؤمن حقا أن المشكل كبير لكن عند وقوفك بين المضربين تؤمن عكس ذلك
لندرس القضية خطوة خطوة
في بداية الأمر كان السبب في مهندس دولة غير معترف به وبعد خطاب الرئيس واصل الطلبة الاضراب لأنهم لم يثقو في الكلام ويريدو الدليل أقصد وثيقة ممضاة
بعدها قيل السبب آخر اضراب طلبة التغذية لأنهم غير معترف بهم في الوظيف العمومي وأصحاب التخصات الأخرى في النظام القديم قرروا مساندتهم في الاضراب بين قوسين ليس سبب كافي
وبعدها نهضوا أصحاب النظام الجديد ل م د قالو اعترفوا بالنظام القديم على حسابنا 3 سنوات كثقافة عامة فقط بمعنى آخر نقصو من قيمة النظام الجديد
ما عرفتش وين تصد علابالي اضرابات بزاف والأسباب ذاك علاه والأيام تفوت والطلبة لا دراسة لا اختبار بصح مازالت قصة الاضراب ما كملتش قالو تاني 5سنين تع البيطرة كي يكمل الطالب مايوليش طبيب يولي مساعد طبيب بالعامية نتاعنا فرملي بين قوسين عندي صديقة لي في البيطرة قاتلي شفت منام جيت نداوي في البقرة حشاكم مابغاتش قاتلي بعدي عيطي لطبيب يداويني ......من دون تعليق
ناس مضربة وما تقراش وحرمت معاها ناس ما عندهم حتى دخل بالمشكل من الدخول للامتحانات قال راهم مساندينا ...نساندك وينتا كي نكمل الامتحان ما نضيعش روحي ونبقى وينتا يكمل الاضراب وينتا ندير الامتحان نراجع وننسى نعاود ونكره مش هاك أسلوب المثقفين مش هاك الطلبة الجامعيين ما يفكرش الواحد في نفسوا والباقي ما نشوفلوش
صح باغيين نفهموا الحل أسبوع بعد أسبوع حتى يوصل شهر للاضراب وراك تتهنى من الامتحان كيما خططت حتى لمتى تتهنى قاع من العام راك خسرت عام من حياتك وبيدك نتا مش الدولة السبب عقابك لقرار الدولة كان الاضراب لي أدى لخسارة عام من حياتك أصبحت معاقب نفسك
يا ناس نعرفوا دولتنا ماهيش غريبة علينا علاه قاع هادا الشي ومن بعد ما كان والو
واش رايكم ولا راني غالطة.....أرجو التفاعل .... والسلام عليكم ورحمة الله وبركاته

بالفعل الوضع الجامعي في مرحلة لايحسد عليها !

الأمور تعفنت بشكل كبير ..

ربي يستر

اللهم آمين ....بارك الله فيك

بصراحة نظام ال ل م د هو المشكل الاكبر كيف لنظام لم ينجح في دول عظمى كامريكا وفرنسا ينجح في دولة تيكي كدولتنا.

لا أظن ذلك يوسف ..

الخلل ليس في النظام ..

الخلل في من يطبق النظام ..