صينية البطاطس المهروسة باللحمة المفرومة
بطاطس باللحم المفروم
المقادير:
نص كيلو لحم مفروم
كيلو بطاطس
كوب ونصف لبن
بصلة كبيرة مفرومة
ملح وبهارات
1/ 2 كوب جبنة رومي مبشورة
2 ملعقة زبدة
زيت للقلي
الطريقة:
1- قشّري البطاطس، وبعد كده اسلقيها، واهرسيها كويس، وضيفي ليها اللبن والملح.
2- هاتي طاسة وحطّي فيها الزيت، وشوّحي فيها البصل مع اللحمة المفرومة على
النار، لغاية ما اللحمة تستوي، وبعد كده تبّليها بالملح والفلفل
والبهارات.
3- ادهني الصينية اللي هتعملي فيها بشوية زبدة، ورشّي عليها كمية من البقسماط.
4- افردي نصف كمية البطاطس في الصينية، وافردي فوقيها اللحمة والجبنة المبشورة، وفي الآخر ضيفي باقي البطاطس.
، وحطّي ملعقة زبدة، ودخّليها الفرن لحد ما الوش يحمرّ، وبعد كده طلّعيها، وقدّميها.. وبالهنا والشفا.
الجمعة سبتمبر 25, 2020 10:29 pm من طرف نورالوئام
موضوع: صينية البطاطس المهروسة باللحمة المفرومة 
