السلام عليكم اخواتي هادي اول مشاركة ليا في هاد المنتدى . حبيت نشاركم بوصفات بنينة وناجحة درتهم البارح فالعشاء شفتهم فمنتديات اخرى قلت خلي نجربهم و زدتلهم بعض الاضافات من عندي وفعلا خرجو بنان بززززززززززززززززاف سيرتو كريات الجريوات مانطولش عليكم خلي نمدلكم الوصفات اولا= طبق الهاني قطع دجاج ( حسب افراد العايلة )- بصلة مبشورة - زيت او زبدة او سمن - ملح - فلفل اسود - زعفران - مغرف صغيرة كروية- ماء لتمريق. للترميد الدجاج نحتاج فرينة وبيض و خبزيابس مرحي نجي لتحضير نقلي قطع الدجاج في الزيت مع الملح والفلفل اسود و الزعفران ونقلي ثم نمرق حتي تطيب قطع الدجاج نقطرهم ثم نرمدهم فالفرينة بعدها فالبيض ثم فالخبز نقليهم حتى يتحمرو بعدها نقلي البطاطا و نحطها فصحن التقديم ثم نسقيها بالمرق ونزيد نحط عليه قطع الدجاج ونزينو بالمعدنوس ثانيا كريات الجريوات هادي المقادير تخرجلك قدر صحن نحتاجو 2 حبات جريوات مربية بصلة مربية خبز مرحي ملح و فلفل اسود حبة بيض (انا نسيت البيض تفتحولي اثناء القلي ) لذلك البيض ضروري لمحافضة على الشكل وزدت من عندي تون والفرماج الصراحة خرج بنين خلطي كل المقادير ونشفي بالخبز حتى يول ي الخليط شادروحو شكلي كويرات او قضبان كيما تحبي ثم اقليهم فالزيت حتى يتحمروا قدميهم مع صوص طوماط وبالصحة عليكم نتمنى تجربوهم وتردولي لخبر السلام الى وصفات ىاخرى باذن الله [justify]

وعليكم السلام
بارك الله فيك على المساهمة ، تبدو شهية
نتمنو نلقو اللي يطبخهالنا

وصفة جميلة
درك نروح نجربها